Antaliyada Hududlar va Ranglar festivali boshlanmoqda

Turkiyaning turli burchaklaridan kelgan madaniyatlar, mahalliy tansiq taomlar, an’anaviy xalq raqslari va musiqalarni yagona maydonda birlashtirgan Hududlar va Ranglar festivali bu yil 10-bor san’atsevarlar bilan uchrashishga hozirlik ko’rmoqda. Jami 9 kun davom etadigan va 5-13 sentabr kunlari bo’lib o’tadigan tadbirda 83 ta hamyurtlar va madaniyat uyushmasi faol ishtirok etadi.

Tadbir davomida musiqa ixlosmandlari uchun boy dastur taqdim etilib, Uğur Önür, Tolga Çandar va Selçuk Balcı kabi taniqli san’atkorlar maydonda sahnaga chiqib konsert berishadi. Tashrif buyuruvchilar festival davomida ham mahalliy taomlarni tatib ko’rish, ham turli madaniy tadbirlar va xalq raqslari namoyishlaridan bahramand bo’lish imkoniyatiga ega bo’ladilar.