Antalya Arxeologiya Muzeyi

Antalya Arxeologiya Muzeyi, Antalyada joylashgan, jahon miqyosidagi haykallar kolleksiyasiga ega arxeologiya muzeyidir. Antalya va uning atrofidagi qadimiy ashyolarni ishg’ol kuchlaridan himoya qilish uchun 1922 yilda tashkil etilgan. Turkiyaning eng yirik arxeologiya muzeylaridan biridir. Ularning aksariyati, Antalya hududida yashagan uchta muhim O’rta er dengizi qadimgi sivilizatsiyasi bo’lgan Likiya, Pamfiliya va Pisidiya sivilizatsiyalariga tegishli 100000 ga yaqin asarni o’z ichiga oladi. Marmar ashyolarning aksariyati Perge xarobalaridan keltirilgan. Muzey, 1937-1972 yillar oralig’ida Yivli minora masjidida faoliyat yuritgandan so’ng, tashkil etilgan milliy loyiha tanlovi natijasida ishlab chiqilib qurilgan zamonaviy muzey binasiga ko’chirildi. 1988 yilda "Yevropa Kengashi Yilning eng yaxshi muzeyi maxsus mukofoti"ga loyiq ko’rildi; 2012, 2014 va 2015 yillarda ham mukammallik sertifikatini qo’lga kiritdi. Antalya Arxeologiya Muzeyi binosi zilzilaga chidamsizligi sababli 16 iyul 2025 yilda ziyorat uchun yopilgan; ashyolar muzey hovchisidagi konteynerlarga ko’chirilgan. Muzey binosining buzilishi 2025 yil sentyabr oyida amalga oshirildi. Madaniy meros va muzeylar bosh boshqarmasi, ayni hududda quriladigan yangi muzey binosining 2026 yil oxirigacha bitkazilishi rejalashtirilganini ma’lum qilgan.