Suna va Inan Xirach Kaleichi muzeyi

Kaleichi muzeyi Antaliyaning Kaleichi tumanida joylashgan xususiy muzey bo’lib, muhofaza qilinishi lozim bo’lgan madaniy boylik sifatida ro’yxatga olingan ikkita binoda joylashgan. Tuzilmalardan biri pravoslav cherkovi, ikkinchisi esa an’anaviy turk uyidir. Xarob ahvoldagi binolarni sotib olgan Suna va Inan Xirach ularni 1993-1995-yillar oralig’ida ta’mirlab, 1996-yilda muzeyga aylantirgan. Ikki qavatli turar-joy binosi maxsus effektlar yordamida 19-asrdagi Kaleichi hayotini aks ettiruvchi o’ziga xos etnografiya muzeyi sifatida jihozlangan. Xina kechasi, qahva uzatish, kuyov sartaroshi kabi kundalik hayot lavhahalari jonlantirilgan. Aya Yorgi cherkovi deb nomlangan pravoslav cherkovi esa konsertlar va turli san’at tadbirlari o’tkaziladigan maskandir. Suna va Inan Xirach juftligining koshinlar kolleksiyasi ham ushbu binoda namoyish etiladi. Otaturkka sovg’a qilingan koshindan yasalgan Turkiya xaritasi kabi qimmatbaho asarlar shu yerda mavjud.